အမေ့  ကိုတမ်းတမိသမျှတွေ စုသိမ်းထားမယ့် Note ပါ ....
" တမ်းချင်း ( ၁ ) "
သမီး သိပ်စိတ်ညစ်တာပဲ...အမေ
လောကကြီးမှာ အသက်ရှင်ရတာပင်ပန်းလိုက်တာ
ရိုးသားပွင့် လင်းမှု နဲ့  အတူ လိပ်ပြာသန့် သန့် နေထိုင်ရင်း
အမြဲတမ်း အပြစ်ကင်းစွာနဲ့  ဘ၀ကိုဖြတ်သန်းလို့ 
ပျော်ပျော်ရွှင်ရွှင် နဲ့  နေချင်တဲ့သမီး ကို
လောကဓံ က ကြည့်မရဘူးနဲ့ တူပါရဲ့  ...အမေရယ်
အမေ ရှိစဉ် က ခြင်္သေ့ လို ရဲရင့်မှုတွေနဲ့ 
မိသားစု အတွက်များဆို ကြိုးစားရုန်းကန်ရင်း
ကြုံသမျှဆင်းရဲ ကို လားလားမှ မဖြုံ မတုန်မလှုပ် ဘဲ
အမေ့ ရှေ့ ကတောင် ဦးဆောင်ခဲ့တဲ့သမီးကို
ခင်ပွန်းထက်တောင် အားကိုးခဲ့တယ်မှတ်လား ...အမေ
ဒါပေမယ့် .... ခုတော့ သမီး မောနေပြီ အမေ
အသက်ကြီးလာရင် အသည်းငယ်တတ်လား
သူရဲဘောကြောင် ယောင်တောင်တောင် ဖြစ်တတ်လား
ပြတ်သားတဲ့  အဖြေ သမီး မသိတော့ပါဘူး ..အမေရယ်
သေချာတာကတော့ အရင်လို ခွန်အားမရှိတော့ဘဲ
ခံနိုင်ရည်နည်းလာတာတော့ အမှန်ပါပဲလေ...
လောကကြီးထဲ အမေ နေ ခဲ့သလောက်နဲ့ နှိုင်းမယ်ဆိုရင်
သမီးရဲ့ ဘ၀သက်တမ်း ဟာ သုံး ပုံ နှစ်ပုံ ကျိုးလာပေမယ့်
ခုထိမရင့် ကျက်ဘဲ လူတွေကိုလည်း နားမလည်
ဘယ်ခရီးကိုဘယ်ထီး ရွေးဆောင်းပြီး
ဘယ်လမ်းကို ဘယ်ပန်းပန်ရမယ် မသိဘဲ
ကိုယ့်စိတ်လိုအမြဲထင် လို့  အမြင်တွေ လွဲချော်ခဲ့တာလည်း
ခဏ ခဏ ပါပဲ ...... အမေရယ်
အမေ ရှိစဉ်တုန်းက သမီးလေ သိပ်အားရှိခဲ့ပါတယ်
လုပ်ချင်တာ ဖြစ်ချင်တာတွေ များလွန်းတဲ့ 
သမီးဆန္ဒ နဲ့  လုပ်ရပ်ဟာ အမှန်တရားပဲ
ရဲရဲကြီးအမေထောက်ခံ ယုံကြည်အားပေးလို့ 
သမီးအတ္တတွေ ကို အရောင်တင်ပေးခဲ့ တော့
သွေးနထင် ရောက်ခဲ့မိတာပေါ့ ...အမေရယ်
ဟောဒီ လောကကြီးထဲ သမီးအပေါ်မှာ
အမေ့ လောက် မေတ္တာထားတတ်တာ
အမေ့ လောက် အကောင်းမြင်တတ်တာ
အမေ့ လောက်အားကိုးယုံကြည်ပေးတတ်တာ
ဘယ်မှာမှ ရှာမရဘူး ဆိုတာ သိလာရတဲ့ သမီး
ခုတော့ မှန်းဆ လွမ်းရယုံကလွဲပြီး
ဘာမှလည်း မတတ်နိုင်တော့ပါဘူး..အမေ
ပျော်နေရင်သတိမရ ငိုရမှအလွမ်းဝင်
အမေ့ကို တမ်းတချင်နေတဲ့  သမီးမိုက်ကို
ရောက်ရာဘုံဘ၀ ကနေ ခွင့် လွှတ်နားလည်ပေးပါ
မပျော်လည်း နေ ပျော်လည်းနေ ဒါလူ့ ဘ၀ပါပဲ..အမေရယ်
ဒါကြောင့်မို့ လေ ...
မောပန်းလည်း မတတ်နိုင် လိုချင်တဲ့ပန်းတိုင် ကို
လှမ်းကိုင်နိုင်ဖို့  ဆက်လျှောက်ရမယ့်သမီး
အမေ့ ကို တ ပြီး ညည်းရုံလေးတော့ ညည်းချင်သေးလို့ 
ခွန်အားတွေ ပေးပါ..... အမေ
" တမ်းချင်း ( ၂ ) "
သက္ကရာဇ်ဆယ်စု တွေ တစ်ခုပြီးတစ်ခု ဖြတ်သွားလည်း
မရင့် ကျက်နိုင်ဘဲ သမီးက အရင်အတိုင်းပါ အမေ...
ဘ၀မှာ ဘယ်အချိန် အနည်ထိုင်တတ်ကြသလဲ
သူများတွေ ရဲ့  နေထိုင်မှု လိုက်ပြီး ကြည့်ရှုမိတော့ 
သူတို့  နဲ့  သမီး အသီးသီးမတူတာတွေ မှ အများကြီးပါလားအမေရယ်....
ငယ်စဉ်ခါ ပညာရှာလို့  ကြီးလာတော့ ဥစ္စာရှာတယ်
ပညာစုံသွားရင် ကြင်ယာဆိုတာ နဲ့ တွဲပြီး
သီးချိန်တန်သီး လို့  ပွင့်ချိန်တန်ပွင့်  မှ
ဘ၀ ကအနေတင့် တယ်လို့ ဆိုကြတယ် မှတ်လား ... အမေ
အရွယ်ရောက်ပေမယ့် အိမ်ထောင်မပြုသေးတဲ့သမီးကို
အားမလိုအားမရ ငါမြေးလေးချီချင်လှပြီဟဲ့  လို့ ပြောရင်း
အမေသာ ခွဲခွာလို့  ဘ၀ပြောင်းသွားပေမယ့်
သမီးကတော့ ကိုယ့် လမ်းကိုယ်ဖောက်ရင်း
ကိုယ့်လမ်းပေါ်ကိုယ်လျှောက်က်နိုင်အောင်
ကြိုးစားရုန်းကန်နေရဆဲပါ....
တစ်တောင်ပေါ်တစ်တောင်ဆင့် လို့ 
တောင်အမြင့် ပတ်ခြံရံ..ဆိုတဲ့ ဆရာမငွေတာရီသီချင်းနဲ့ 
တင်းထားရတဲ့  အားမာန်တွေ ဟာ
တစ်ခါတစ်လေတော့ လျော့ လျော့သွားတယ်အမေရယ်...
လိုယူချင်စိတ်နည်းတဲ့ သူတော်ကောင်းတွေရဲ့ နေထိုင်နည်း
သမီး နဲ့ တော့ ဆန့် ကျင်ဘက်ဖြစ်နေပါရဲ့့...
တိုတောင်းလှတဲ့လူ့ ဘ၀ မှာ ကံပစ်ချရာမနေချင်
လိုချင်တဲ့  နေထိုင်မှု နဲ့  အသက်မွေးရဖို့ 
ဝါသနာပါရာတွေ လုပ်ရင်း ဘ၀ကိုဖြတ်သန်းချင်တဲ့ သမီး
ခုတော့ ညည်းနေရသေးတာပဲ.... အမေ
တစ်တောင်ပြီးလို့ တစ်တောင်ကျော်နေတာ
ပျော်လွန်းလို့ တော့ မဟုတ်ဘူးပေါ့ 
သမီးလည်း လူထဲကလူတစ်ယောက်မို့ 
သက်တောင့်သက်တာ နေသာသလိုလေးနဲ့ 
ဘ၀ ရေစုန်ပေါ် မော် တဲ့  အခါ မော် ချင်ပေမယ့်လည်း
မဖြစ်သေးပါဘူး...အမေရယ်
အသွေးထဲ အသားထဲ စိမ့်ဝင်စွဲနေတဲ့ 
နှလုံးသား မှ ၀ါသနာသန္ဓေ စာပေဆိုတဲ့ အမြုတေကို
အရာရာထက် ပိုခုံမင်တဲ့ ... သမီး
ကျန်တဲ့ အရာတွေ ဘယ်လိုကောင်းမွန်လည်း
ခယောင်းလမ်း ပဲ လျှောက်ချင်တာမို့ 
ခုထိတော့ ဆက်ကြိုးစားရဦးမှာပဲ..အမေရယ် .... ။
တမ်းချင်း ( ၃ )
လမ်းမပျောက်ဖို့  လမ်းဖောက်ရတာ မောနေပြီ အမေရယ်
ဆူးခက်နွယ်ပင် ပိတ်အောင်း ခိုတန်းလို့ 
သမီးလျှောက်ချင်တဲ့  လမ်း က သူများတွေနဲ့ ကွာခြား
ဘာလို့ များ ဒီလောက်တောင် ရှည်လျှားနေရပါလိမ့် ......
တစ်ချို့ တစ်ချို့ တွေ များ လေ
သိပ်အားကျဖို့ ကောင်းတာပဲ ... အမေ
လိုချင်တာတွေ လွယ်လွယ်နဲ့  ရကြတဲ့ ဘ၀
သမီး ကတော့ ကုသိုလ်ကံ မလှသူပါ....
ပန်းခင်းပြီးသားလမ်းဆိုတာ သမီးအတွက်
အိပ်မက်တောင် မမက်ဝံ့ တဲ့  အရာပါ
သာသာယာယာ နေဖို့  အတွက် ဘာတွေဆက်ပြီး
ပေးဆပ်ရဦးမှာလဲ မသိပါဘူးအမေရယ် ....
မောပန်းလို့ နွမ်းလာရင် ခဏထိုင်ညည်း
ပြီးရင်တော့ ခရီးဆက်ရဦးမှာပေါ့ လေ
လမ်းတစ်ဝက်နဲ့  ရပ်တန့် ပစ်ဖို့ ဆိုတာ
တစ်ခါ မှ သမီးမတွေးမိတဲ့ အရာပါ....
စိတ်မပူပါနဲ့ အမေ....
တစ်နေ့ နေ့ တော့ လိုချင်တဲ့ ပန်းတိုင်ဆီ
လှမ်းကိုင်နိုင်ဖို့  လျှောက်သွားရမယ့်လမ်း
သမီး... တန်းတန်း ကြီး မြင်ရတော့မှာပါ....
အများတကာသွားသလို မဖြောင့် ဘဲ
ကောက်ကွေ့ နေတဲ့ သမီးရဲ့ လမ်းဆိုတာ
ကံဇာတ်ဆရာအလိုကျ မို့ 
ငိုပြတော့လည်း ဘာထူးလာမှာလည်းအမေရယ် ...
သွားရတာ မနီးလှတဲ့  ဒီခရီးမှာ
တစ်ခါတစ်လေမောပန်းရင်း ချွေးဒီးဒီးစီးကျလည်း
တစ်ခါတစ်လေ အေးမြတဲ့ စမ်းရေအေးလည်း
သောက်ရတတ်ပါတယ်.... အမေ
ဇွဲ လုံ့ လ ဥာဏ်ပညာ နဲ့ 
ကံတရား ပေါင်းစု လို့  အကြောင်းပြုလိုက်ရင်
အကျိုးတရားကောင်းဆိုတာ ပေါ်ပေါက်လို့ 
သူ့ အလိုလိုရောက်လာတော့မှာပါ....
ဒါကြောင့်  မငိုတော့ ပါဘူး အမေ
စေလိုရာစေ ခဲ့ တဲ့ ခရီးမှာ ပန်းတိုင်ကို နီးလာကာမှ
အားလျှော့ လို့  ပြိုယိုင်လဲရင် အသည်းနာစရာမို့ 
သမီးလေ....
ဇွဲမာန်ကိုထပ်တာတိုးလို့  ကြိုးလျှောက်ရဦးမယ်..အမေရယ် ....။
