ဂုဏ်သိက္ခာ.... ဆိုသည်မှာ

                                           တောင်ပံကွန့်မြူး၊ ပိုးစုန်းကြူး၊ အထူးတဆန်းပင်၊

အရောင်တွဲ့တွဲ့၊ ထွန်းလင်းခဲ့၊ မီးရဲ့ပမာသွင်။

ပျင်းရိလျက်သာ၊ အိပ်နေပါ၊ ရောင်ဝါမပေါ်လွင်။

ထိုနည်းတူစွာ၊ လူတို့မှာ၊ ပမာနှိုင်းဆင်ခြင်။

ကိုယ်နှင့်ဆိုင်ဘိ၊ အလုပ်ရှိ၊ လျှံငြိဂုဏ်ရောင်ထင်။

ကမ္ဘာတိုက်ဘောင်၊ အလုပ်ရောင်၊ ထွန်းပြောင်အမြဲပင်။

ပျင်းပျင်းရိရိ၊ အိပ်နေဘိ၊ မရှိအလုပ်ခွင်။

မှေးတေးမှိန်တိမ်၊ သေးသိမ်သိမ်၊ အရှိန်ကင်းလိမ့်ပင်။

လူဖြစ်ပါခဲ့၊ အရှိန်မဲ့၊ တကယ့်နွားအသွင်။

အပျင်းရောဂါ၊ စွဲကပ်လာ၊ မြန်စွာကုဖို့ပြင်။

မကုစားပဲ၊ အပျင်းစွဲ၊ ငမွဲငနုံပင်။


( လယ်တီပဏ္ဍိတ ဦးမောင်ကြီး)

                                   အထက်ပါကဗျာလေးမှာ ``ပိုးစုန်းကြူး´´ ကဗျာလေးဖြစ်ပါသည်။   ကျွန်တော်တို့ ငယ်ငယ်ကလဲ သင်ခဲ့ရပါသည်။   အားလုံးနီးပါးလဲသိရှိကြမည် ထင်ပါသည်။  ဒီ သံပေါက်လေးကို ရေးဖွဲ့ခဲ့ခြင်းမှာ လူသားတို့၏  စွမ်းအားကို ဖြုန်းတီးခြင်း မိမိကိုယ်ကို အယုံအကြည်မဲ့ခြင်းနှင့် စိတ်ပျက်အားငယ်ခြင်းများကြောင့် ညှိုးနွမ်းနေသူများကို သတိပေးခြင်းဖြစ်ပါသည်.... အစွမ်းအစမရှိနိုင်သော ပိုးစုန်းကြူးလေးသည်ပင်... ကိုယ်ပိုင်အလင်းရောင်ဖြင့် ထွန်းလင်းနိုင်ကြောင်း အသိပေးခဲ့ပါသည်...။

                                               လမင်းကြီး၏ထွန်းလင်းတောက်ပမှုကို  သာလူအများက ဖွဲ့နွဲ့တင်စား  ခဲ့ကြသည်။  အားလုံးလဲလက်ခံခဲ့ကြသည်လရောင်တစ်ခုတည်းဖြင့် လောကကြီးဖြစ်မလာပါ၊လရောင်နှင့် လမင်းကြီးသည်လည်း ကမ္ဘာလောကကြီး အတွက်လိုအပ်ချက်တစ်ခုသာဖြစ်ပါသည်။ လောကကြီးသည် အရောင်စုံပါသည်။ သက်ရှိ သက်မဲ့များ၊ အရောင်များ၊ သဘာဝအခြေခံအချက်များဖြင့် အားလုံးပေါင်းစပ်ထားမှသာ ကမ္ဘာလောကကြီး ဖြစ်လာပါသည်။

                                    လူနှင့်လူ့အသိုင်းအ၀ိုင်းတွငလူသားတို့အတွက်ကျင့်ဝတ်၊စည်းကမ်းနှင့်တရားမျှတမှုများကို လူသားများ၏

စိတ်ကူး အသိဥာဏ်မှ တဆင့် ပြဌာန်း စောင့်စည်းခဲ့ကြပါသည်......။

                                    ဥပဒေဖြင့် ကျင့်ဝတ်၊ စည်းကမ်းများကို သတ်မှတ်ထားရာတွင် လိုက်နာမှု မရှိပါက...... ဥပဒေအရ အတိုင်းအတာဖြင့် အပြစ်ပေး အရေးယူခြင်းများ ဆောင်ရွက်ပါသည်...... စောင့်ထိန်းအပ်သည့် ကျင့်ဝတ်များအားဖောက်ဖျက်လာပါက ထိုကိစ္စအတွက် သတ်မှတ်ထားသော ပြစ်ဒဏ်မရှိပါ....... အတိုင်းအတာဖြင့် အပြစ်ပေး၍ မရပါ... မမျှော်မှန်းနိုင်လောက်သော အပျက်အစီးများ

အထိ ဖြစ်သွားနိုင်ပါသည်။

                                    လူသားတို့တွင် မည်သူမျှ ပြဌာန်းမထားသော်လဲ ကိုယ်တိုင်စောင့်စည်းအပ်သော ကျင့်ဝတ်နှင့် အခြားသူများအတွက်စောင့်စည်း အပ်သော ကျင့်ဝတ် ဟူ၍ ရှိပါသည်....။

                                    ကျွန်တော်  တစ်ခါက ဌာနဆိုင်ရာ  ၀န်ထမ်း သူငယ်ချင်းတစ်ဦး ရှိဘူးပါသည်။   ဆင်းရဲနွမ်းပါးသဖြင့် ကူညီထောက်ပံ့ ပေးခဲ့သည်များလည်း ရှိပါသည်။တစ်ခါကစားသောက်ဆိုင်တွင် စားသောက်ရန် ဖိတ်ခေါ်ဘူးပါသည်။  သူမသောက်ကြောင်းငြင်းဆန်ခဲ့ပါသည်။ 

အရက်မသောက်လျှင် အစားအသောက်စားမည်ဟု ထပ်မံခေါ်ကြည့်သည်။  သူငြင်းဆန်ပါသည်။  မည်သည့်အတွက်မလိုက်သည်ကို မေးမြန်းရာ..... အတူဆင်းရဲနေသော ဇနီးနှင့် သမီးလေးရှိသေးသည်၊ သူအစားအသောက်ကောင်းများ စားသောက်နေချိန်တွင် ဇနီးနှင့် သမီးမှာ ရေလုံပြုတ်သာသာ အစားအသောက်များ စားသောက်နေချိန်ဖြစ်ပါမည်.... သူမစားရက်ပါဟု ပြန်ဖြေခဲ့သည်..

ထို့ကြောင့် စားသောက်ဆိုင်သို့ ခေါ်သွားပြီး စားစေချင်သည်များကိုဝယ်ယူ ထည့်ပေးလိုက်ပါသည်။

                                     မကြာမှီ ကျွန်တော် သူ့အိမ်သို့ သွား ရောက်လည်ပတ်သည့်အခါ   တစ်နေ့က အစားအသောက်များ ၀ယ်ယူထည့်ပေးလိုက်သူ ဖြစ်ကြောင်း ဇနီးနှင့် သမီးဖြစ်သူအား ရှင်းပြပါသည်။  သမီးလေးကလဲ  ကျေးဇူးတင်ကြောင်းနှင့် စားကောင်းကြောင်းရိုသေစွာ ပြောကြားခဲ့ပါသည်။  ကျွန်တော် သူတို့ အကြောင်းကို စဉ်းစားရင်း..... တစ်ဦးနှင့် တစ်ယောက် ဘယ်လောက်နားလည်မှုတွေနဲ့

ရှင်သန် ရပ်တည်နေကြသလဲ..... ဟု တွေးဖြစ်ခဲ့ဘူးပါသည်။ အဖြူရောင်ရပ်ဝန်းလေးထဲ ရောက်ခဲ့သည်ဟု ခံစားမိပါသည်။

                                  ကျွန်တော့် သူငယ်ချင်း၏ လူပီသမှု တစ်ခုကို  ကျွန်တော် အသိအမှတ်ပြုခဲ့ပါသည်။  ၀မ်းသာ.. ကျေနပ်ခဲ့ဘူးပါသည်။ တန်ဘိုးရှိသူများကို ကျွေးမွေးခဲ့ရသည်ဟု ပီတိဖြစ်ခဲ့ရပါသည်.... မှတ်မှတ်ရရ ဖြစ်ပါသည်။ သတိရတိုင်း ကျေနပ်ခဲ့ရပါသည်။

                                   တစ်ခါကလည်း ပိတောက်ပန်း တက်ခူးစဉ် ခါချဉ်အုံတစ်ခုကို နင်းမိခဲ့သည်။ ခါချဉ်ကောင်များအား ကျွန်တော်လက်ဖြင့် ပွတ်ချခဲ့သည်၊ တစ်ကောင်ပြီးတစ်ကောင် ကိုက်သည်၊ ပွတ်ချသည်၊ နောက်ဆုံး ခုန်ဆင်းလိုက်ရသည်။ အောက်ရောက်တော့ ဖင်ထောင်အောင်ကိုက်နေသော ခါချဉ်တစ်ကောင်ကို ကိုက်လျှက်သားတွေ့ရသည်.စိတ်တိုတိုဖြင့် ဖင်ကို ဆွဲကြည့်သည်၊  ခါချဉ်သည် ကိုက်ထားသည်ကို မလွှတ်၊ ပြန်လျော့ကြည့်သည်၊ လက်လွှတ်ကြည့်သည်၊ သူဆက်ကိုက်

ထားသည်။ နောက်ဆုံး ကျွန်တော် ကိုက်ထားသည်ကို ပြုတ်အောင် ဆွဲ၍ မြေကြီးပေါ်သို့ ချပေးလိုက်ရသည်။ မသတ်ဖြစ်တော့... သူ့ဆုံးဖြတ်ချက်နှင့် ဂုဏ်သိက္ခာ စောင့်ထိန်းမှုကို သဘောကျ၍ ဖြစ်ပါသည်။

                                 ခြင်္သေ့သည် သူတစ်ပါးဖမ်းဆီးသတ်ဖြတ်ထားသော သားကောင်ကိုမစားကြောင်း၊ အောက်ချင်းငှက်များသည်တစ်ကောင်သေက နောက်တစ်ကောင် လိုက်ပါသေဆုံးကြောင်းသိရှိရပါသည်။   ထိုသည်ပင် သူတို့၏ အမှတ်လက္ခဏာ ဂုဏ်သိက္ခာများ

ဖြစ်ပါသည်။

                                 တကယ်တော့ လူတစ်ဦးချင်းသာမက၊  အဖွဲ့တစ်ခုချင်း၊  လူမျိုးတစ်မျိုးချင်းစီတွင်  စောင့်ထိန်းအပ်သော ဂုဏ်သိက္ခာများ များစွာရှိကြပါသည်။ ထိုသို့ ဂုဏ်သိက္ခာ စောင့်ထိန်းမှုသည်ပင်... ထိုသူ၏  ထိုအဖွဲ့အစည်း၏  ထိုလူမျိုးတို့၏  ဂုဏ်သိက္ခာနှင့်

အမှတ်လက္ခဏာများ ဖြစ်ပါသည်......။

                                 လူတစ်ဦးချင်းစီ၏ အမှတ်လက္ခဏာ ဂုဏ်သိက္ခာများသည်.... ထိုသူနှင့်အတူ အမြဲရှိနေသော အရိပ်များလည်းဖြစ်ပါသည်။

                                 လူတို့၏ အသက်ရှင်ရပ်တည်နေစဉ် နေထိုင်နည်းကို မြတ်စွာ ဘုရားရှင်သည် ဟောကြား ပြသတော် မူခဲ့သည်(၃၈)ဖြာ မင်္ဂလာတရားတော် ဖြစ်ပါသည်။ မင်္ဂလသုတ်ခေါ် မင်္ဂလာတရားတော်အားအနက်အဓိပ္ပါယ်သေချာစွာ လေ့လာဖတ်ရှုကြည့်ပါကဘ၀၏ နေထိုင်ကျင့်သုံးနည်းများ ကို အံ့သြဘွယ်တွေ့ရှိ မှတ်သားရမည်ဖြစ်ပါသည်။ ကိုယ်တိုင်လိုက်နာအပ်သော တရားများ ဖြစ်ပါတယ်။

                                 သီလ၊ သမာဓိပညာဖြင့်ပြည့်စုံသူကို လည်းသူတော်ကောင်းဟုမြတ်စွာ ဘုရားရှင်ဟောကြားတော်မူခဲ့ပါသည်။မေတ္တာဖြင့် နေထိုင်နိုင်ရန်လည်း ဆုံးမခဲ့ပါသည်။ မေတ္တာ၊ ကရုဏာ၊ မုဒိတာ၊ ဥပေက္ခာတည်းဟူသော  ဗြဟ္မစိုရ်တရား(၄)ပါးအား လက်ကိုင်ထားနိုင်ရန်လဲ ဟေကြားတော်မူခဲ့ပါသည်။ မင်းကွန်းဆရာတော်ကြီး၏ တစ်ခါကရှင်းလင်း ဟောကြားခဲ့ဘူးသည်မှာ... 

 ``မေတ္တာက...ချစ်ခင်ခြင်း အကျိုးကို

လိုလားခြင်းလို့ အဓိပ္ပါယ်ရပြီး  ကရုဏာကတော့ သနားခြင်းလို့ အဓိပ္ပါယ်ရပါတယ်။  မုဒိတာကတော့  သူတပါးကြီးပွား  တိုးတက်မှုအပေါ်

ဝမ်းမြောက်ခြင်းဖြစ်ပြီး ဥပေက္ခာကတော့ အပြစ်လည်းမဖြစ်၊ အချစ်လည်းမဖြစ်၊တစ်နည်းအားဖြင့်ကုသိုလ်လည်းမဖြစ်၊အကုသိုလ်လည်း

မဖြစ်ခြင်းလို့  အဓိပ္ပါယ်ရပါတယ်။  ဒီ တရားလေးပါးပဲ..... လက်ကိုင်ထား ဆက်ဆံကြည့်နိုင်မယ်ဆိုရင်  လူမှုနယ်ပယ်  ဆက်ဆံရေးဟာ

သေချာပေါက် အဆင်ပြေသွားမှာပါ။´´ ဟု ဟောကြေားတော်မူခဲ့ဘူးပါတယ်။

ဟာ တကယ်တော့ လိုက်နာကျင့်သုံးအပ်တဲ့... တစ်ဘက်သားအပေါ်မှာ စာနာ နားလည်နိုင်သင့်တဲ့ သူတစ်ပါးကို စောင့်စည်းအပ်တဲ့ တရားတော်များပဲ ဖြစ်ပါတယ်။

                                  လူ့ဘ၀သည် တိုတောင်းလွန်းလှပါသည်။ ယနေ့ခက်နေသမျှ၊ စိတ်ညစ်နေသမျှ၊ ပင်ပန်းနွမ်းနယ်နေသမျှသည်မနက်ဖြန်တွင် မနေ့က အဖြစ်ကျန်ရစ်ခဲ့ပါမည်.... တစ်ခါတစ်ရံ စိတ်ညစ်ခဲ့ရသည်ကိုပင် ပြန်လည် တမ်းတစရာများလဲ ရှိခဲ့ပါသည်။ ဤသို့ပင်လျှင် ယနေ့ အဆင်ပြေနေသမျှ ကျေနပ်နေသမျှ၊ ပျော်ရွှင်နေသမျှသည်လည်း မနက်ဖြန်တွင် မနေ့က အဖြစ်ကျန်ရစ်ခဲ့ပါမည်... ကိုယ်နှင့် အတူ ပါရှိလာမည်မှာ..... ကိုယ်ပိုင် စိတ်စေတနာ ခံယူချက်နှင့် ကိုယ်ပိုင် ဂုဏ်သိက္ခာများ၊ အသိပညာ၊ အတတ်ပညာများသာ ဖြစ်ပါသည်..... အစဉ်အမြဲ သတိဖြင့် ကြိုးစားဆောင်ရွက်နေရန်သာ လိုအပ်ပါသည်။  ဤသို့ ကြိုးစားနေစေရန်လည်း  `` အပ္ပမာဒေန သမ္မာဒေထ´´ဟု  မြတ်စွာဘုရား ဟောကြားတော် မူခဲ့ပါသည်... ခရီးတစ်ခုအတွက် အစသည် ပထမ ခြေလှမ်းပင်ဖြစ်ပါသည်.. မည်သို့သောအခက်အခဲများကို မဆို မှန်ကန်စွာ ကျော်ဖြတ်နိုင်ရမည်ဖြစ်ပါသည်.မှန်ကန်စွာ ကျော်ဖြတ်နိုင်ရမည်ဖြစ်ပါသည်........

သမ္မာဒိဋ္ဌိ- မှန်စွာ မြင်ခြင်း။

သမ္မာသင်္ကပ္ပ-မှန်စွာကြံခြင်း။

သမ္မာဝါစာ- မှန်စွာပြောခြင်း။

သမ္မာကမ္မန္တ-မှန်စွာပြုခြင်း

သမ္မာအာဇီဝ-မှန်စွာ အသက်မွေးခြင်း။

သမ္မာဝါယာမ- မှန်စွာအားထုတ်ခြင်း။

သမ္မာသတိ- မှန်စွာ အမှတ်ရခြင်း။

သမ္မာသမာဓိ- မှန်စွာ စူးစိုက်တည်ကြည်ခြင်း

                                    ဟူသော.. မဂ္ဂင်ရှစ်ပါးတရားတော်နှင့် အညီ နေထိုင်ကျင့်ကြံ၍                     အသိတရားလက်ကိုင်ထားကာ ဂုဏ်သိက္ခာကြီးမြတ်သူ..... သီလ၊ သမာဓိ၊ ပညာတို့ဖြင့် ပြည့်စုံသူ...... မှန်ကန်စွာ အသက်မွေးသူများအဖြစ် မိမိ၏ ၀န်းကျင်အား အလင်းရောင်များထွန်းလင်းပေးနိုင်ပါစေကြောင်း ဆန္ဒပြုလျှက်.........                                                     ကွန်ဆူးမား......(၁၄-၅-၂၀၁၂)